Ni JC Guzman
Ginawa: Oktubre 5, 2012 6:42pm
Sa mundo kung saan ipinanganak kang walang saplot sa katawan.
Hindi mo mararating ang estado mo ngayon kung di ka nila ginabayan.
Sila ang mga taong naging dahilan ng tinatamasa mo sa kasalukuyan.
Sapagkat kanilang pinunan ang kumakalam na karne sa loob ng yong bumbunan.
Ano nga ba ang buhay kung walang karunungan?
Bakit tayo pumasok ng higit sa katorseng taon sa loob ng paraalan?
Ito'y dahil ba gusto nating maisakatuparan ang mga bagay na nais nating makamtan?
O dahil nais lang nating mabuhay na may kaginhawaan?
Lahat ng mga tanong na yan, siguro'y nabigyan mo na ng kasagutan.
Ngunit bilang indibidwal na binigyan ng kakayahan upang may matutunan,
At bilang isang estudyanteng nangangarap habang walang maisip na sagot sa exam,
Mapagkumbaba at lubusan akong nagpapasalamat sa mga NAGING GURO ko sa loob at labas ng paaralan! :)
May mabait, masipag, magaling magturo at mahirap magpa-exam,
Meron ding masungit, palatawa, at parang pangalawa mong magulang.
Yung iba'y di mo makasundo at di mo hiyang ang paraan,
Kaya naman hinahanapan mo pa ng palayaw, alias at iba pang katawagan.
Iba't iba man ang kanilang mga ugali, paraan at pamantayan,
Iisa lang ang gusto nilang matiyak bago sa iyo'y magpaalam.
At ito'y sa kabila ng konting sahod kung ikukumpara sa ibang bayan,
Hiling nila na magamit mo ang mga natutunan sa paglilok ng iyong kinabukasan.
Marami pa akong gustong sabihin ngunit ang oras ay kulang.
Hindi sapat ang tulang ito upang ang mga sakripisyo nyo'y tumbasan.
Kulang ang salapi sa inyong serbisyong di mapapantayan.
Pero sana sa munting sulatin na ito, kayo'y aking naparangalan.
Muli, lubos ko po kayong pinapasalamatan.
Mga gurong naging bahagi ng aking pakikipagsapalaran.
Di tiyak ang aking magiging kinabukasan,
Kung di nyo ako binahagian ng inyong kaalaman.
HAPPY TEACHER's DAY PO MGA SIR AT MA'AM! ",)
No comments:
Post a Comment