By JC Guzman
Created: August 28, 2013 11:13AM
Paggising sa umaga, ako'y nagtitimpla ng kape na may tax.
Tapos maliligo gamit ang sabon at shampoo na may tax.
Magsisilpiyo gamit ang toothpaste at toothbrush na may tax.
Siyempre ang mga ito'y sa tulong ng tubig na may tax.
Magpapatuyo gamit ang tuwalyang biniling may tax.
Maglilinis ng tenga, at maglalagay ng papaporma na may tax.
Isusuot ang mga damit at mga gamit na biniling may tax.
Sasakay ng jeep, magbabayad ng pamasahe para sa gasolinang may tax.
Pagdating sa trabaho, di pa rin makakatakas sa tax.
Kakain ng tanghalian na binayarang may tax.
Iinom ng tubig at iba pang inumin na may tax.
Magmi-miryenda ng mga pagkaing may tax.
Pag-uwi, sasakay ng bus at magbabayad ng para sa diesel na may tax.
Pagdating sa bahay kakain ng hapunan na may tax.
Maghuhugas ng plato gamit ang dishwashing paste na may tax.
Maglalaba ng damit gamit ang sabong meron ding tax.
Manonood ng TV gamit ang kuryenteng may tax.
Maghihilamos gamit ang mga bagay na may tax.
Pagdating ng sweldo, makikita mong may kaltas ka para sa tax.
Mababalitaan mo na lang ito'y nakurakot lang, sadyang nakaka-heart attack!
