Ni JC Guzman
Ginawa: Marso 19, 2011 3:06am
Ito ay isang katha na hindi sinadya
Bigla lang umusbong sa diwa ng may-akda
Nais lang ipaalam kung saan nagsimula
At ano ang bunga ng kanyang pagtitiyaga
Noong una, inakala nyang di nya kaya
Mga quizzes at exam, baka di maipasa
Tiwala sa sarili'y di sukat makita
"Imposible! Imposible!" Yan ang 'ika nya
"Basta makatapos!" Motto nya nung umpisa
Ngunit lumipas ang isang semestre, resulta ay nakita
Siya'y biglang nagulat sa mga markang nakuha
"Sa 'kin ba talaga to?", ang naging tanong nya
Hindi nya inakalang, kakayanin niya pala
Na magkaroon ng gano'ng grado, sa mga asignatura
Tiwala sa sarili'y, unti-unting umusbong na
Kaakibat ng pananampalataya sa ating Dakilang Ama
Sa loob ang apat na taon, sya'y naging abala
Naghanap ng kaalaman, oras ay 'di inaksaya
Maraming mga pagsubok, ang naranasan nya
Para makamit ang pinapangarap na diploma
Marami ring tao, ang naging dahilan nya
Mga kaklase, kaibigan at mga kakilala
Pati mga profesor, maging kanyang pamilya
Upang makuha kung ano ngayon ang meron nya
Dahil sa pagtitiyaga, CUM LAUDE ang ginantimpala
Hindi nya inakala, na magkakaroon ng gano'ng himala
Sumukli sa mga kasawian, na dati nyang tinamasa
Salamat sa Diyos na lumikha, dahil tunay Syang mapagpala
Hanggang dito na lang ang tula ng may-akda
Na isinulat para sa mga nagsumikap bumasa
Kayo nawa'y may aral at pananaw na nakuha
Mula sa mga diwang ibinahagi mula sa isip ng may-akda
No comments:
Post a Comment