Paalam Twenty One, Hello Twenty Two

Ni JC Guzman

Ginawa: Enero 17, 2013 2:43PM

Sa isang dosena't isang dekada kong paglagi bilang nilalang,

Maraming mga bagay, karanasan at aral na ang natutunan.

Ilang pagsubok, pagkatalo at tagumpay ang nakamtan.

Ngunit marami pa ring tulad ng mga ito ang pagdaraanan.

Una sa lahat, salamat sa Amang Makapangyarihan.

Kung di dahil sa Kanya, walang JC, walang JOHN at walang JUAN

Na inyong nakasalamuha at naging kaibigan,

Sa personal, sa facebook, o maging sa imahinasyon lang.

Nais ko ring magpasalamat kay Nanay at Tatay.

Sa paghubog nila sa akin upang lumaking may takot sa Maykapal.

Maging sa kanilang mga sakripisyo, aral, at lubos na pagmamahal

Na gagawin kong mga halimbawa at di kalilimutan habang nabubuhay.

Pasasalamat din ang nais kong iabot sa mga kapatid kong may ka-kwelahan.

Kay Juan, AC, Jannet at kay Janice na ang Facebook ay hindi nakahiligan.

Maging kina Kuya Ruben, Kuya Erwin, Kuya Gen at mga pamangking may kakulitan.

Salamat sa mga saya, pagdamay at lalong higit sa pagmamahal.

Sa aking kasintahang si Jhen, na tapat sa aming pagmamahalan.

Maraming salamat sa tiyaga, unawa, tiwala at pag-ibig na inilalaan

Mananatili kang inspirasyon sa aking mundong ginagalawan.

At asahang mamahalin ka at mananatiling sa'yo lamang.

Sa mga kamag-anak, maraming salamat at kayo ay nariyan.

Nananatiling inspirasyon, kahit ang pagkikita nati'y once in a bluemoon lang.

Salamat din sa mga naging kamag-aral, kabarkadahan at maging katrabaho man.

Na astig ka-jamming, ka-kwentuhan at kasama sa mga kakulitan.

Sa The Journey na nabigay sa aking ng mga di malilimutang karanasan.

Mga karanasang maaaring ipagmalaki at ikarangal kaninuman.

Salamat sa mga konsiderasyon, lunch out at pagsasamahan,

pati na rin sa pagsakay sa ilan kong mga kalokohan.

Marami pa ang gusto kong pasalamatan ngunit nagwawala na ang aking tiyan.

Nagmamakaawa na ito na lagyan ko na ng laman.

Kaya wag nang magtaka sa paglobo ng aking katawan.

Dahil pag ang diet ay napabayaan, ang pagkain ay libangan na lang..

P.S.

Salamat kaibigan sa oras na iyong inilaan :)