Talata ng Programmer na Nag-Aala-Makata

Ni JC Guzman

September 10, 2013
(Ginawa para sa mga taong gustong maging JAVA Programmer)

Tulad mo, dati rin akong baguhan.
Nagsimula sa wala at kulang sa kaalaman.
Binabalot ng mga tanong ang aking kaisipan.
Di ko mawari ang landas na aking pupuntahan.

Noong una, akala ko'y di ko makakayanan,
Mga pagsubok at dagok na aking pinagdaraanan.
May mga assignment, case study pati mga exam,
Sinasabayan pa ng mga asignaturang tila ba 'di ko kailangan.

Pero wag kang mag-alala, ayos lang yan.
Patunay yan na normal kang nilalang.
Sino ba naman ang taong pinanganak na lahat ay alam?
Di ba lahat nagsimula sa payak at blankong kamalayan?

Kaya kung natatakot ka sa mga bagay na aking tinuturan.
Ngayon pa lang, pag-iisip mo ay iyo nang palitan.
Ang JAVA ay mahirap, kung sa sarili mo'y iyong didiktahan.
Tulad ng isang ibong may pakpak nga, ngunit tinalian naman.

Kaya ngayong panaho'y hawak mo't meron ka pang kalayaan.
Ibaling ang yong diwa sa mga bagay na pwede mong pagkaabalahan.
Lahat ng ito'y di masasayang kung iyo lamang pagyayamanan.
Tandaan natin na ang lahat ng bagay mayroong hangganan.

Simpleng bagay lang ang gusto ko'y iyong tandaan.
Na lahat tayo'y pantay-pantay at mahal ng LUMALANG.
Nilikha tayo na Kanyang wangis at larawan.
Kaya huwag na huwag mong isiping nag-iisa ka lang.

Nais kong ipabatid na lahat tayo'y may kakayahan.
Na 'di lang natin napapansin dahil 'di natin ito pinagbibigyan.
Kaya habang may oras pa, wag mo na sanang pakawalan.
Dahil PROGRAMMER ka, kahit kumontra  pa ang iba dyan.